ბმულები

გაკვეთილის გეგმა
გაკვეთილის გეგმის პრეზენტაცია
შეფასების რუბრიკა

სურათის გაცოცხლება სპექტაკლის დადგმით

პროექტის სახელი – სურათის გაცოცხლება სპექტაკლის დადგმით
პროექტის მიზანი – პროექტის განხორციელების დროს მოსწავლეები შეძლებენ სპექტქკლის დადგმას, რომლის ინსცენირება, პერსონაჟები, კოსტიუმები და დეკორაციები მოსწავლეების მიერ არჩეული ფერწერული ნამუშევრის მიხედვით შეიქმნება. ასევე შეძლებენ მოძრაობით, ხმებით, მუსიკით "გაცოცხლებას".
პროექტის სრული აღწერა – მოსწავლეები ეცნობიან მათ მიერ არჩეუ ფერწერულ ტილოს შინაარს, მის პერსონაჟებს და იმ გარემოს, რომელიც სურათზეა ასახული. სპექტაკლის დადგმაში მონაწილეობს მთელი კლასი. იქმნება რამდენიმე შემოქმედებითი ჯგუფი: სცენარისტების– რომლებიც პიესის დაწერის დროს ითვალისწინებენ სურათის შინაარს და პერსონაჟთა ხასიათს, უკავშირებენ რომელიმე კინო ფილმს, რომელიც ინტერნეტის საშუალებით მოიძიებენ, უყურებენ და მსჯელობენ, შემდეგ იწერება პიესა, (შესაძლოა რამოდენიმე ვარიანტიც იყოს საუკეთესო პიესას კლასი მასწავლებელთან ერთად შეარჩევს). რეჟისორები – სპექტაკლის დადგმას ახორციელებენ, ანაწილებენ როლებს, მოიფიქრებენ როგორ უნდა წარმოადგინონ სცენარში ასახული ქმედებები და დიალოგები, არჩევენ სპექტაკლისთვის შესაფერის ადგილს (სასკოლო დარბაზი, საკლასო ოთახი და სხვ.). მხატვარ – დეკორატორები ხატავენ და ამზადებენ სურათში ასახულ ეპოქასა და ქვეყნისთვის დამახასიათებელ დეკორაციებს, მოიძიებენ მსახიობებისთვის კოსტიუმებს. მსახიობები – სწავლობენ სათანადო მოქმედებებს და რეპლიკებს, გაითავისებენ პერსონაჟთა ხასიათს. მუსიკალურ – გამფორმებლები სპექტაკლისთვის არჩევენ სურათზე ასახულ სიუჟეტისთვის შესაფერის მუსიკალურ ნაწარმოებს.
სპექტაკლის დადგმა მასწავლებელსა და მოსწავლეების ურთიერთ შეთანხმებით ხდება.
მონაწილეთა ასაკი – 14 – 15 წელი.
ვადები / ხანგრძლივობა – 1თვე
პროექტის შესაძლო აქტივობები კლასში – შეიქმნას საპროექტო ჟგუფი, განაწილდება ფუნქციები, ვინ იქნება კონკრეტულ საქმიანობასა და შედეგებზე პასუხისმგებელი.
მოსალოდნელი შედეგი – სპექტაკლის დადგმით მოსწავლეებს განუვითარდებათ ხელოვნების ნიმუშზე დაკვირვების უნარი,შეძლებენ სამუშაოს დაგეგმვას და ორგანიზებას, სასცენო დეკორაციების, აფიშების, მოსაწვევი ბარათების დამზადებას.
სარგებელი სხვებისთვის – სპექტაკლზე მოწვეულნი იქნებიან პედაგოგები, მოსწავლეები და მშობლები.
სამუშაო ენა – ქართული
საგნობრივ, საგნობრივ ჯგუფთან და ეროვნულ გეგმასთან კავშირი – ეროვნულ გეგმით განსაზღვრულ საგანთა შორის კავშირი მყარდება მუსიკასთან და ისტორიასთან.
მოსწავლე გეგმავს და ასრულებს სხვადასხვა სახის სამუშაოს.
კომპიუტერული ტექნიკის გამოყენებით ქმნის მოსაწვევი ბარათების ესკიზების და თეატრალური წარმოდგენების აფიშებს,ხატავს მარტივ დეკორაციებს.
პროექტის ხელმძღვანელი – მზაღო გოგატიშვილი
ელ.ფოსტის მისამართი –mzagogogatishvili@gmail.com